ഹൃദയം മൂവി ഫുൾ റിവ്യൂ, ഇത് നിങ്ങളുടെ ഹൃദയംകൊണ്ട് കാണേണ്ട സിനിമ💖

വിനീത് ശ്രീനിവാസൻ സംവിധാനവും തിരക്കഥയും നിർവഹിക്കുകയും. പ്രണവ് മോഹൻലാൽ കല്യാണി പ്രിയദർശൻ ദർശന രാജേന്ദ്രൻ അജു വർഗീസ് എന്നിവർ കേന്ദ്ര കഥാപാത്രങ്ങളായി വരുന്ന സിനിമയാണ് ഹൃദയം

. ഹൃദയം എന്ന സിനിമയ്ക്ക് ടിക്കറ്റ് എടുക്കാൻ എന്നെ പ്രേരിപ്പിച്ചത് രണ്ടുഘടകങ്ങൾ, ഒന്ന് ഈ സിനിമ വിനീത് ശ്രീനിവാസൻ സംവിധാനം ചെയ്യുന്നുവെന്നും രണ്ട് പ്രണവ് മോഹൻലാൽ എന്ന നടൻ വിനീത് ശ്രീനിവാസൻ എന്ന സംവിധായകന്റെ കയ്യിൽ കയ്യിൽ എത്തുമ്പോൾ അത് എങ്ങനെയാകും എന്നാ ആകാംക്ഷയുമാണ്. പ്രണവ് എന്ന നടന്റെ വേറൊരു തലത്തിലുള്ള അഭിനയം നമുക്ക് ഹൃദയത്തിൽ കാണാൻ സാധിക്കും. വിനീത് ശ്രീനിവാസൻ എന്ന ഡയറക്ടറുടെ കരിയർ ലെ ഏറ്റവും മികച്ച ഒരു ഫീൽ ഗുഡ് സിനിമ ആയിട്ട് ഹൃദയത്തെ കണക്കാക്കാം. പ്രണവ് മോഹൻലാൽ അവതരിപ്പിക്കുന്ന അരുൺ നീലകണ്ഠൻ എന്ന കഥാപാത്രം

 കോളേ ജീവിതം ആരംഭിക്കുന്ന അതിലൂടെയാണ് സിനിമ ആരംഭിക്കുന്നത് 2006- 2010 കാലഘട്ടത്തിലൂടെയാണ് അരുൺ എന്ന കഥാപാത്രത്തിന്റെ കോളേജ് ജീവിതം കടന്നുപോകുന്നത്. തുടർന്ന് കഥാപാത്രത്തിന്റെ കോളേജ് ജീവിതത്തിൽ സംഭവിക്കുന്ന പ്രണയവും, വിരഹവും, സംഘർഷങ്ങളിലൂടെ യുമാണ്സിനിമ തുടർന്ന് സഞ്ചരിക്കുന്നത്. കോളേജിലെ ആദ്യദിനം തന്നെ പ്രണവ് ദർശന എന്ന പെൺകുട്ടിയുമായി അടുപ്പത്തിൽ ആകുന്നു. അരുൺ എന്ന കഥാപാത്രത്തിന്റെ ഒപ്പം എടുത്തുപറയേണ്ട ഒരു കഥാപാത്രമാണ് ദർശന

. അരുൺ എന്ന കഥാപാത്രത്തെ പൂർണ്ണതയിലെത്തിക്കാൻ ദർശന എന്ന കഥാപാത്രം സഹായിക്കുന്നുണ്ട്. അരുൺ ന്റെ കോളേജിലെ സുഹൃത്തായി കാണിക്കുന്ന ജോസഫ് താടിക്കാരൻ ചിത്രത്തിൽ മികച്ചൊരു കഥാപാത്രമായി തോന്നി

. ചിത്രത്തിലെ കോമഡി രംഗങ്ങൾ സൃഷ്ടിക്കാൻ ഈ കഥാപാത്രത്തിനു കഴിഞ്ഞു. കല്യാണി പ്രിയദർശൻ ചെയ്ത വിദ്യാ എന്ന കഥാപാത്രം സിനിമയുടെ അവസാനഭാഗങ്ങൾ ആണ് വരുന്നതെങ്കിലും വളരെ മികച്ച ഒരു കഥാപാത്രമായിരുന്നു അത്. സിനിമയുടെ രണ്ടാം ഭാഗത്തിലേക്ക് വരുമ്പോൾ അരുൺ എന്ന കഥാപാത്രത്തിന്റെ കോളേജിൽ ലൈഫിന് ശേഷം ഉള്ള ജീവിതം ആണ് കാണിക്കുന്നത്. രണ്ടാം ഭാഗത്തിൽ എവിടെയോ യഥാർത്ഥ ജീവിതത്തിലെ പ്രണവിനെ ചിത്രത്തിൽ കൊണ്ടുവരാൻ സംവിധായകൻ ശ്രമിച്ചത് പോലെ തോന്നി. അടുത്തതായി പറയേണ്ടത് ഈ സിനിമയുടെ സംഗീതം ആണ്. ഈ സിനിമയുടെ സംഗീത സംവിധായകൻ ഹിഷാം അബ്ദുൽ വാഹിദ് ആണ്. അദ്ദേഹത്തിന്റെ മികച്ച ഒരു സംഗീത സംവിധാനം നമുക്ക് സിനിമയിൽ കാണാം. ഈ സിനിമയിൽ ആകെ 15 പാട്ടുകൾ ആണ് ഉള്ളത് പക്ഷേ ഈ 15 പാട്ടുകളും സിനിമയിൽ വച്ചിരിക്കുന്ന രീതി അത് വ്യത്യസ്തമാണ്. കണ്ടിരുന്നു ഓരോ പ്രേക്ഷകനും ഈ ചിത്രത്തിൽ 15 പാട്ടുകൾ ഉണ്ടോ എന്ന് സംശയിക്കുന്ന തരത്തിലാണ് ഈ പാട്ടുകൾ വരുന്നത്. ഈ സിനിമയുടെ ദൈർഘ്യം മൂന്ന് മണിക്കൂറാണ് പക്ഷേ കണ്ടിരിക്കുന്ന ഓരോ പ്രേക്ഷകനും സിനിമയിൽ മൂന്നുമണിക്കൂർ പോകുന്നത് അറിയുന്നതേയില്ല. സിനിമ കഴിഞ്ഞിറങ്ങുമ്പോൾ സിനിമയിലെ ഓരോ കഥാപാത്രവും പ്രേക്ഷകരുടെ ഹൃദയത്തിൽ കയറി പറ്റുന്നു. അവിടെത്തന്നെയാണ് വിനായകൻ വിജയവും. ഈയൊരു കാലഘട്ടത്തിലും ഈ സിനിമ തീയേറ്ററിൽ തന്നെ ഇറക്കാൻ പ്രൊഡ്യൂസർ വിശാഖ് കാണിച്ച ധൈര്യം എടുത്തു പറയേണ്ടതാണ്. തീർച്ചയായും നിങ്ങൾക്ക് ഈ സിനിമയ്ക്ക് ധൈര്യമായി ടിക്കറ്റ് എടുക്കാം കാരണം ഈ സിനിമ ഇതിന്റെ അണിയറയിൽ പ്രവർത്തിച്ച അവരുടെ ഹൃദയം കൂടിയാണ്❤.