Bigg Boss Malayalam Season 3 Live Updates: ബിഗ് ബോസ് മത്സരാർത്ഥികൾ ഇവർ
Author Athul surya :Bigg Boss Malayalam Season 3: ലോക ടെലിവിഷന്‍ ചരിത്രത്തിലെ തന്നെ ഏറ്റവും ചെലവേറിയതും ശ്രദ്ധേയവുമായ റിയാലിറ്റി ഷോയായ ബിഗ് ബോസ് മലയാളത്തിലെ മൂന്നാം സീസണിനു തുടക്കമായി.
നടൻ നോബി മാർക്കോസ്, സൈക്കോളജിസ്റ്റായ ഡിംപിൾ ബാൽ, ആർ ജെ കിടിലം ഫിറോസ്, നടൻ മണികുട്ടൻ, പവർ ലിഫ്റ്റിംഗ് ചാമ്പ്യന്‍ മജിസിയ ഭാനു, ആർ ജെ സൂര്യ മേനോൻ, പാട്ടുകാരിയും വയനിലിസ്റ്റുമായ ലക്ഷ്മി ജയൻ, ഡിജെയും മോഡലുമായ സായ് വിഷ്ണു ആർ, സീരിയൽ താരം അനൂപ് കൃഷ്ണൻ, മഹാരാജാസ് കോളേജിലെ പി എച്ച് ഡി വിദ്യാർത്ഥിയായ അഡോണി ടി ജോൺ, ഡി ഫോർ ഡാൻസ് ഫെയിം റംസാൻ മുഹമ്മദ്, പാട്ടുകാരിയും മോഡലുമായ ഋതു മന്ത്ര, യോഗ പരിശീലകയും നർത്തകിയുമായ സന്ധ്യ മനോജ്, ഡബ്ബിംഗ് ആർട്ടിസ്റ്റ് ഭാഗ്യലക്ഷ്മി എന്നിങ്ങനെ 14 മത്സരാർത്ഥികളാണ് ഇന്ന് ബിഗ് ബോസ് ഹൗസിലേക്ക് പ്രവേശിച്ചത്.
സീസണ്‍ 3ലെ മുഴുവന്‍ മത്സരാര്‍ഥികളെയും വിശദമായി അറിയാം..
1.നോബി മാര്‍ക്കോസ്
പ്രത്യേകിച്ച് ഒരു പരിചയപ്പെടുത്തലിന്‍റെ ആവശ്യമില്ലാത്ത മലയാളികളുടെ പ്രിയതാരങ്ങളില്‍ ഒരാള്‍. സ്റ്റേജിലോ മിനിസ്ക്രീനിലോ ബിഗ് സ്ക്രീനിലോ നോബിയുടെ കോമഡി കണ്ട് ചിരിക്കാത്ത മലയാളികള്‍ ഉണ്ടാവില്ല.2.ഡിംപല്‍ ഭാല്‍
പ്രേക്ഷകര്‍ക്ക് അത്ര പരിചയമുണ്ടാവാന്‍ സാധ്യതയില്ലാത്ത മത്സരാര്‍ഥി. ക്ലിനിക്കല്‍ സൈക്കോളജിയില്‍ എംഫില്‍ പൂര്‍ത്തിയാക്കിയ ഡിംപല്‍ കുട്ടികളുടെ സൈക്കോളജിസ്റ്റ് ആയി പ്രവര്‍ത്തിക്കുന്നു. ഉത്തര്‍പ്രദേശുകാരനായ അച്ഛന്‍റെയും മലയാളിയായ അമ്മയുടെയും മകള്‍.3.കിടിലം ഫിറോസ് (ഫിറോസ്‍ഖാന്‍ അബ്ദുല്‍ അസീസ്)
പേരിനു മുന്‍പ് 'കിടിലം' എന്നു ചേര്‍ത്ത ആത്മവിശ്വാസത്തിന്‍റെ മുഖം. എഫ് എം സ്റ്റേഷനുകളില്‍ നിന്ന് മലയാളി ആദ്യം തിരിച്ചറിഞ്ഞ ശബ്ദങ്ങളില്‍ ഒന്ന്. സാമൂഹ്യപ്രവര്‍ത്തകന്‍, മോട്ടിവേഷണല്‍ സ്പീക്കര്‍, നടന്‍
4.മണിക്കുട്ടന്‍
മുഖവുര ആവശ്യമില്ലാത്ത മലയാളികളുടെ പ്രിയതാരം. 'കായംകുളം കൊച്ചുണ്ണി' എന്ന സീരിയലിലെ ടൈറ്റില്‍ കഥാപാത്രമായാണ് മണിക്കുട്ടനെ പ്രേക്ഷകര്‍ ആദ്യമറിയുന്നത്. നിരവധി സിനിമകളിലൂടെ പിന്നീട് പ്രിയങ്കരനായി.
5.മജീസിയ ഭാനു
ബോക്സിംഗ് എന്ന ആഗ്രഹത്തില്‍ നിന്ന് പവര്‍ ലിഫ്റ്റിംഗ് മേഖലയിലേക്കെത്തി നേട്ടങ്ങള്‍ കൊയ്യുന്ന അഭിമാനതാരം. കോഴിക്കോട്ടെ ചെറുഗ്രാമത്തില്‍നിന്നുള്ള മജീസിയ 2017ലെ ഏഷ്യന്‍ പവര്‍ ലിഫ്റ്റിംഗ് ചാമ്പ്യന്‍ഷിപ്പിലെ വെള്ളി മെഡലോടെയാണ് രാജ്യാന്തര തലത്തില്‍ ശ്രദ്ധിക്കപ്പെടുന്നത്.6.സൂര്യ ജെ മേനോന്‍
കേരളത്തിലെ ആദ്യത്തെ വനിതാ ഡിജെമാരില്‍ ഒരാള്‍. ആര്‍ജെ ആയും പ്രവര്‍ത്തിച്ചിട്ടുള്ള സൂര്യ നടിയും മോഡലുമാണ്.7.ലക്ഷ്മി ജയന്‍
ഗായിക എന്ന നിലയില്‍ അറിയപ്പെടാനാണ് ഏറ്റവും ആഗ്രഹമെങ്കിലും പല നിലകളില്‍ കഴിവ് തെളിയിച്ച കലാകാരി. ഒരേ ഗാനം ആണ്‍-പെണ്‍ ശബ്ദങ്ങളില്‍ ആലപിച്ച് വേദികളെ വിസ്‍മയിപ്പിച്ചിട്ടുണ്ട്.8.സായ് വിഷ്ണു
സിനിമ എന്ന കലയെ ജീവനുതുല്യം സ്നേഹിക്കുന്ന താനെന്ന അഭിനേതാവിനെ ബിഗ് സ്ക്രീനില്‍ സ്വപ്നം കാണുന്ന ചെറുപ്പക്കാരന്‍, അതാണ് സായ് വിഷ്ണു. കാന്‍, ഓസ്‍കര്‍ വേദികളിലൊക്കെ മികച്ച നടനുള്ള പുരസ്കാര പ്രഖ്യാപനത്തില്‍ ഒരിക്കല്‍ തന്റെ പേര് വിളിക്കുന്നതാണ് ഈ ചെറുപ്പക്കാരന്‍റെ സ്വപ്നം.9.അനൂപ് കൃഷ്‍ണന്‍
മലയാളി സീരിയല്‍ പ്രേക്ഷകര്‍ക്ക് പരിചയപ്പെടുത്തല്‍ ആവശ്യമില്ലാത്ത താരം. സിനിമയില്‍ മുഖം കാണിച്ചതിനുശേഷം സീരിയലിലേക്ക് എത്തിയ താരമാണ് അനൂപ്. സീതാകല്യാണത്തിലെ വേഷമാണ് ബ്രേക്ക് നേടിക്കൊടുത്തത്.10.അഡോണി ടി ജോണ്‍
ഇത്തവണത്തെ ബിഗ് ബോസിലെ പ്രായംകുറഞ്ഞ മത്സരാര്‍ഥികളില്‍ ഒരാള്‍. മുണ്ടക്കയം വണ്ടന്‍പതാല്‍ സ്വദേശിയായ അഡോണി നിലവില്‍ എറണാകുളം മഹാരാജാസ് കോളെജില്‍ പൊളിറ്റിക്കല്‍ സയന്‍സില്‍ പിഎച്ച്‍ഡി ചെയ്യുന്നു.
11.റംസാന്‍ മുഹമ്മദ്
നൃത്തവേദികളിലെ യംഗ് സൂപ്പര്‍സ്റ്റാര്‍. ടെലിവിഷന്‍ ഷോകളിലൂടെ പ്രശസ്തന്‍. റംസാനെ അറിയാത്തവര്‍ കുറവായിരിക്കും12. റിതു മന്ത്ര
കണ്ണൂര്‍ സ്വദേശി. ബംഗളൂരുവില്‍ ബിരുദാനന്തരബിരുദ പഠനത്തിനിടെ മോഡലിംഗ്, ഫാഷന്‍ രംഗത്തേക്ക് കടന്നുവന്നു. ഗായിക, നടി. ഓപറേഷന്‍ ജാവയാണ് അഭിനയിച്ച ഏറ്റവും പുതിയ ചിത്രം.
13.സന്ധ്യ മനോജ്
ഭരതനാട്യമായിരുന്നു സന്ധ്യയുടെ ആദ്യ ഇഷ്ടം. പിന്നീട് നൃത്തത്തോടുള്ള പ്രണയം ഒഡീസിയിലേക്ക് എത്തിച്ചു. നിരവധി വേദികളിലെ ചുവടുകളാല്‍ കൈയടി നേടിയ പ്രതിഭ.14.ഭാഗ്യലക്ഷ്മി
ഇത്തവണത്തെ ബിഗ് ബോസിലെ ഏറ്റവും പ്രശസ്ത സാന്നിധ്യം. ഡബ്ബിംഗ് ആര്‍ട്ടിസ്റ്റ്, നടി, ആക്ടിവിസ്റ്റ് എന്നിങ്ങനെ പല റോളുകളില്‍ മലയാളികള്‍ക്ക് ഏറെ പരിചിതയായ സാന്നിധ്യം.
ചെന്നൈ പൂനമല്ലിക്ക് അടുത്തെ ചെമ്പരൻപാക്കം ഇ വി പി ഫിലിം സിറ്റിയിലാണ് ഇത്തവണയും ‘ബിഗ് ബോസ് മലയാള’ത്തിന്റെ സെറ്റൊരുക്കിയിരിക്കുന്നത്. 6000 സ്‌ക്വയർ ഫിറ്റോളം വിസ്താരമുള്ള വീടാണ് ഇതിനായി ഒരുക്കിയിരിക്കുന്നത്.
തിങ്കൾ മുതൽ വെള്ളിവരെ രാത്രി 9.30 മണിയ്ക്കും ശനി, ഞായർ ദിവസങ്ങളിൽ 9 മണിയ്ക്കുമാവും ഷോ സംപ്രേഷണം ചെയ്യുക. ഡിസ്നി പ്ലസ് ഹോട്ട്സ്റ്റാറിലും പ്രേക്ഷകർക്ക് ബിഗ് ബോസ് കാണാം.
the show must go on
©️Athul techy blogs
For any promotion contact me on instagram(tap)
അഭിപ്രായങ്ങള്‍
ഒരു അഭിപ്രായം പോസ്റ്റ് ചെയ്യൂ